अर्घाखाँची – अर्घाखाँचीको खिल्जीबाट रोजगारीका लागि पोर्चुगल गएका एक युवा तीन महिनादेखि सम्पर्कविहीन भएका छन् ।
रोजगारीका लागि पोर्चुगल गएका भूमिकास्थान नगरपालिका वडा नम्बर ६ खिल्जीका २५ वर्षीय भूपाल दमासे गएको वैशाख १३ गतेदेखि सम्पर्कविहीन भएका उहाँका बुबा झविरामले बताउनुभयो । बेपत्ता भएका छोराको खोजी गरिदिन पनि उहाँले आग्रह गर्नुभएकाे छ । सम्पर्कविहीन भएका छोराको अवस्थाबारे जानकारी गराइदिन उहाँकाे आग्रह छ ।
गएकाे साढे दुई वर्षदेखि रोजगारीका लागि पोर्चुगल गएका भूपाल तोरेस भेदरस भन्ने ठाउँमा बसेर काम गर्दै आएका उहाँकी श्रीमती मीराले बताउनुभयाे ।
