खेलकुद

आगो भएर फर्किए नेयमार, पिएसजीलाई ल्याए ट्रयाकमा !

एजेन्सी – ब्राजिलियन फरवार्ड नेयमार लामो समय पछि मैदानमा उत्रिएका छन्। चोटका कारण सन् २०२२-२३ को आधा सिजन गुमाएका नेयमार लामो समय पछि प्रिसिजनको मैत्रीपूर्ण खेलका लागि मैदानमा उत्रिएका हुन्।

दक्षिण कोरियाली क्लब जिओनबुक एफसी विरुद्धको खेलमा नेयमारले पिएसजीका लागि उच्च प्रदर्शन गरे। दक्षिण कोरियाको बुसान रंगशालामा नेयमारमा दुई गोल गर्नुका साथै एक असिस्ट पनि दिए।

खेलमा भएका सम्पूर्ण गोलमा नेयमारको भूमिका थियो। पिएसजीले जिओनबुक एफसीलाई ३-० को गोल अन्तरले पराजित गर्यो। एसिया भ्रमणका क्रममा पिएसजीले हात परेको यो जित पहिलो रहेको छ।

पिएसजीले खेलभर बलमा राम्रो नियन्त्रण मात्र राखेन खुलेर आक्रमण पनि गर्यो। पिएसजीले खेलभर बलमा ६८ प्रतिशत नियन्त्रण राखेको थियो भने कुल १५ प्रहार गरेको थियो। जसमध्ये ८ प्रहार टार्गेटमा थिए। त्यस्तै जिओनबुक एफसीले भने खेलभर ८ प्रहार गरेको थियो। त्यसमा एक मात्र प्रहार टार्गेटमा थियो।

पिएसजीका लागि नेयमारले दुई गोल गर्दा मार्को एसेन्सियोले एक गोल गरे। नेयमारले ४० औं मिनेटमा पिएसजीलाई पहिलो अग्रता दिलाएका थिए। खेलको ८३ औं मिनेटमा दोस्रो गोल गरे। त्यस्तै खेलको ८८ औं मिनेटमा नेयमारको पासमा एसेन्सियोले गोल गर्दा पिएसजी ३-० ले विजयी हुन पुग्यो।

Related Articles

Leave a Reply

Your email address will not be published. Required fields are marked *

Back to top button