समाचार

घरमा लुकाएर राखेको ८ सय किलो काजु बरामद

वीरगञ्ज- सशस्त्र प्रहरीले घरमा लुकाइ राखेको अवस्थामा ८ सय किलो काजु बरामद गरेको छ ।

भन्सार छलेर पर्साको वीरगञ्ज महानगरपालिकामा ल्याइएको ८ सय किलो काजु घरमा लुकाइ राखेको अवस्थामा सशस्त्र प्रहरीले बरामद गरेको हो ।

पर्साको वीरगञ्ज महानगरपालिका–१० बजरङग टोल बस्ने मगनी राउतले भारतीय बजार रक्सौलबाट भन्सार छली नेपाल भ्यिाएर घरमा लुकाएको सूचनाको आधारमा सशस्त्र प्रहरीले आज छापामारी गरी काजु बरामद गरेको हो ।

भन्सार अधिकृत दीपेन्द्र शर्मासहितको प्रहरी टोलीले बरामद गरेको करिब सात लाख २० हजार बराबरको काजुलाई आवश्यक कारबाहीको लागि आजै वीरगञ्ज भन्सार कार्यालयमा बुझाइएको सशस्त्र प्रहरी बल नेपाल १३ गणका सशस्त्र प्रहरी नायब उपरीक्षक देवेन्द्रबहादुर सिंहले जानकारी दिए ।

Related Articles

Leave a Reply

Your email address will not be published. Required fields are marked *

Back to top button