एजेन्सी – विभिन्न खेल मिडियाहरुमा आएका खबरहरुलाई मान्ने हो भने पोर्चुगिज स्टार क्रिस्टियानो रोनाल्डोले डब्ल्यु(डब्ल्यु(इ डेब्यू गर्न सक्छन्। युरोप तथा साउदीबाट प्रकाशित हुने विभिन्न खेल मिडियाहरुले छिट्टै रोनाल्डोले डब्ल्यु(डब्ल्यु(इ डेब्यू गर्न सकने दावी गरेका हुन्।
नोभेम्बर ४ मा साउदी अरबमा हुने क्राउन ज्वेल शोमा रोनाल्डोलाई अतिथि उपस्थिति गराउन डब्ल्यु(डब्ल्यु(इ इच्छुक रहेको स्पेनिस पत्रिका डाएरियो एएसले जनाएको छ।
डब्ल्यु(डब्ल्यु(इको प्रस्तावका लागि तयार भए पाँच पटकको बालोन डी’ओर विजेताले ठूलो उपस्थिति शुल्क प्राप्त गर्नेछन्। साउदीमा उनी जोन सिनासँगै देखा पर्न सक्ने बताइएको छ।
डब्ल्यु(डब्ल्यु(इमा कुनै फुटबलर देखा परेको यो पहिलो पटक भने हुने छैन। यस भन्दा अगाडी म्यानचेस्टर युनाइटेडका पूर्व खेलाडी वेन रुनीले सन् २०१५ मा डब्ल्यु(डब्ल्यु(इका लागि क्यामियो दिएका थिए।
त्यस्तै फुटबल बाहेक अन्य खेलकुदका दिग्गजहरु पनि डब्ल्यु(डब्ल्यु(इमा देखा परेका छन्। त्यसमा टायसन फ्युरी, रिकी ह्याटन, फ्लोयड मेवेदर, मुहम्मद अली, र माइक टायसन जस्ता दिग्गजहरूको नाम छ।
